sabato 12 gennaio 2008
Interventi.
di Guido Scanu, Oristano
Pubblichiamo una lettera aperta inviata al movimento guidato da Gavino Sale, indipendèntzia Repùbrica de Sardigna
Certu, chi no fadeis custas catzadas et ita bbi s'abbarrada de faidi?
Dde ci bogais a foras is Americanus? Ddadi giai fattu Soru!
Dde fai torrai a is sardus is tassas de ssu stadu italianu? Ddaidi fattu giai Soru!Dde si torrai a lassai kistionai su dialettu nostru? Ddaidi giai fattu Soru!
Dde ci bogai a foras is continentalis ki non boint pagai sa tassa de is domus fattas o compradas da is impresas continentalis? Ddaidi giai fatta Soru!
Dde si fai torrai is localis e is domus ki funti in Sardigna occupadas de s'esercitu o de su demaniu italianu? Ma ki ddadi faddu giai Soru!
Certu ognunu in domu sua si deppidi sbarrazzai de su propriu bascaramini. Però toccada a crumprendi cali esti sa domu sua! Ki kistionaus me in continenti sa domu sua esti sa Sardigna. Ki kistionaus in Sardigna sa domu sua esti sa provinzia aundi si piganta is votus. Me in sa provinzia sa domu propria esti sa bidda aundi unu esti nascidu. Ki sa bidda esti manna podeus arribbai a difendi sa rruga.
Certu ka eis fattu beni a si miskiai cun su sindigu de Kasteddu! No eis cumprendiu ka sa popolazioni de cussa tzitadi inquinada prusu de su 70 po centu de is atras biddas aundi esti sa raccolta differenziada!
Arratza de figura eis fattu me in su portu, accanta de Mauro Pili e de Ignatziu Artitzu e de Emilio Floris, cussu sindigu ki olliada ammantai sa necropoli de Tuvisceddu de cimentu de Samatzai, anzi no de Grecia ca costa prus pagu. Ah balla, seis fattu fai una bella figura in su mundu! Certu bos atrus si seis fattu notai non certu po sa bella facci ki portais.
Nos sadrus semus stadus sempri consideraus unu populu de is prusu arrettradas, puru ki no fiada sempri crupa nostra. Alberto della Marmora candu fuidi stadu mandau in Sardigna po cumprendi po itta fuausu aicci tontus e ignorantis e poburus iadi scrittu beni cussu ki iada biusu! Liggeisi su libru e poi ddi torraus a kistionai. Si podeis liggi pura tottu is atrus scrittus dde su tempus ki kistionanta de s'isula, po si rendi contu dde cumenti fuaus!
Su bascaramini de i napoletaus esti nudda in cunfrontu a cussa produscia de is sadrus de Oristais, de Kasteddu, de Sassari e de tottus cussas biddas ki no faint sa raccolta differentziada. Cu custa manifestazioni si eis fattu connoschidi in su mundu no certu po unu bellu motivu, e bos atererus iais a bolli guvernai sa Sardigna? Sa classi dirigenti noa? Bos aterus unu partidu? Biada a chi si votada! Ma po sa caridadi de Deus!
© 2008 Nesos Editoriale Indipendente srl - Cagliari