sabato 21 luglio 2007

Innu contr'a sos disonorevoles


Procurad'e moderare 
Pagu onorevoles, sa tirannia 
Chi si no pro vida mia 
Torrades a pés in terra 

Mirade ch'est bolande 
Pius forte s'Atra Boghe 
Mirade chi innoghe 
Sa cosa andat 'e veras 

Ammentade chi s'Atra Boghe
no este solu giornale 
s'es pesadu temporale 
in tottu sa Sardigna 

Isculta Lu Puntolgiu
Cunsizzeri 'e pagu onore
faghedi  signore
Omine de pagas fainas

Onorevole de nomene
pagu onore, dinari meda
B'es chie pappada sa eda
Ca non tenede traballu nè laore

Procurad'e moderare
cunsizzeris s'indennidade
si cherides assirbare
s'onorevole cadreone

De Via Roma cunsizzeri
attenzione, pone in mente
ca a cadde 'e unu molente
medas chend'an bogadu

Francesco Luigi Sotgiu (luglio 2007)

:: primapagina ::

:: redazione@altravoce.net ::